നമ്മുടെ നാട് ലഹരി വിമുക്തമാക്കാൻ നമുക്കും ഭാഗമാകാം ‘ഓപ്പറേഷൻ തൂഫാൻ'

കേരളത്തിൽ വ്യാപകമായി പടർന്നു പിടിക്കുന്ന ലഹരി മാഫിയക്കെതിരെ ശക്തമായ നടപടി സ്വീകരിക്കുന്നതിനായി സർക്കാർ ജൂൺ 1 മുതൽ ‘ഓപ്പറേഷൻ തൂഫാൻ’ (Operation Thoofan – The Narco Hunt) ആരംഭിക്കുകയാണ്.

മെത്താംഫെറ്റമിൻ, MDMA, LSD, എക്സ്റ്റസി പോലുള്ള സിന്തറ്റിക് ഡ്രഗുകളും കഞ്ചാവ്, ഹെറോയിൻ, കൊക്കെയിൻ തുടങ്ങിയ മയക്കുമരുന്നുകളും സമൂഹത്തിന് വലിയ ഭീഷണിയായി മാറുന്ന സാഹചര്യത്തിൽ, ലഹരി മാഫിയയുടെ വേരറുക്കുകയാണ് ‘ഓപ്പറേഷൻ തൂഫാൻ’ ലക്ഷ്യമിടുന്നത്.

നമ്മുടെ നാട്ടിലെ സ്കൂൾ-കോളേജ് പരിസരങ്ങൾ ഉൾപ്പെടെ ഗ്രാമപ്രദേശങ്ങളിലേക്കും രാസലഹരികളും മയക്കുമരുന്നുകളും വ്യാപിക്കുന്ന സാഹചര്യത്തിൽ, നമ്മുടെ നാടിനെ ലഹരി വിമുക്തമാക്കുക എന്നത് നമ്മളോരോരുത്തരുടെയും കടമയാണ്.

പോലീസ്, എക്സൈസ്, എൻഫോഴ്സ്മെന്റ് വിഭാഗങ്ങൾ സംയുക്തമായി നടത്തുന്ന പ്രവർത്തനങ്ങൾക്ക് നാട്ടുകാരായ നമ്മളും സജീവ പങ്കാളികളാകണമെന്നു അഭ്യർത്ഥിക്കുന്നു.