തൊഴിയൂർ താഴിശ്ശേരി - അഞ്ഞൂർ റോഡിൽ ആയിരംകണ്ണി ട്രാൻസ്‌ഫോർമറിനടുത്ത് മരം വീണ് റോഡ് ഭാഗികമായി ബ്ലോക്കായിരിക്കുകയാണ്. ഇതുവഴി യാത്ര ചെയ്യുന്ന വാഹനങ്ങളും നാട്ടുകാരും ജാഗ്രത പാലിക്കണമെന്നും, കഴിയുന്നവർ മറ്റ് വഴികൾ ഉപയോഗിക്കണമെന്നും അധികൃതർ അറിയിച്ചു. മരം മാറ്റാനുള്ള പ്രവർത്തനങ്ങൾ പുരോഗമിക്കുകയാണ്. യാത്രക്കാർ സഹകരിക്കണമെന്ന് അഭ്യർത്ഥിക്കുന്നു.

തൊഴിയൂർ: മഴക്കാല രോഗങ്ങൾക്കും വെള്ളക്കെട്ട് പ്രശ്നങ്ങൾക്കും മുൻകരുതലായി വാർഡ് 39ൽ മഴക്കാലപൂർവ്വ ശുചീകരണ പ്രവർത്തനങ്ങൾ ആരംഭിച്ചു. വാർഡ് കൗൺസിലർ ബഷീർ പൂക്കോട് ശുചീകരണ പ്രവർത്തനങ്ങളുടെ ഉദ്ഘാടനം നിർവഹിച്ചു. വാർഡ് വികസന സമിതി കൺവീനർ ജീഷ്മ സുജിത്ത്, ADS ചെയർപേഴ്സൺ റാബിയ ജലീൽ, ആശാവർക്കർ ശാന്തകുമാരി എന്നിവർ നേതൃത്വം നൽകി. നാട്ടുകാരുടെയും വനിതാ പ്രവർത്തകരുടെയും സജീവ പങ്കാളിത്തത്തോടെ പ്രദേശത്തെ വഴികളും പരിസരങ്ങളും ശുചീകരിച്ചു.

കേരളത്തിൽ വ്യാപകമായി പടർന്നു പിടിക്കുന്ന ലഹരി മാഫിയക്കെതിരെ ശക്തമായ നടപടി സ്വീകരിക്കുന്നതിനായി സർക്കാർ ജൂൺ 1 മുതൽ ‘ഓപ്പറേഷൻ തൂഫാൻ’ (Operation Thoofan – The Narco Hunt) ആരംഭിക്കുകയാണ്. മെത്താംഫെറ്റമിൻ, MDMA, LSD, എക്സ്റ്റസി പോലുള്ള സിന്തറ്റിക് ഡ്രഗുകളും കഞ്ചാവ്, ഹെറോയിൻ, കൊക്കെയിൻ തുടങ്ങിയ മയക്കുമരുന്നുകളും സമൂഹത്തിന് വലിയ ഭീഷണിയായി മാറുന്ന സാഹചര്യത്തിൽ, ലഹരി മാഫിയയുടെ വേരറുക്കുകയാണ് ‘ഓപ്പറേഷൻ തൂഫാൻ’ ലക്ഷ്യമിടുന്നത്. നമ്മുടെ നാട്ടിലെ സ്കൂൾ-കോളേജ് പരിസരങ്ങൾ ഉൾപ്പെടെ ഗ്രാമപ്രദേശ

ഗുരുവായൂർ നഗരസഭ ഒന്നാം വാർഡിൽ മഴക്കാല പൂർവ്വ ശുചീകരണ പ്രവർത്തനങ്ങൾക്ക് തുടക്കം കുറിച്ചു. ശുചീകരണ പ്രവർത്തനങ്ങളുടെ ഉദ്ഘാടനം നഗരസഭ ചെയർപേഴ്സൺ സുനിതാ അരവിന്ദൻ നിർവഹിച്ചു. ആരോഗ്യ വിഭാഗം പ്രവർത്തകർ, കുടുംബശ്രീ അംഗങ്ങൾ, തൊഴിലുറപ്പ് തൊഴിലാളികൾ, സാമൂഹ്യ പ്രവർത്തകർ, അങ്കണവാടി ജീവനക്കാർ, സ്കൂൾ അധ്യാപകർ തുടങ്ങിയവർ പ്രവർത്തനങ്ങൾക്ക് നേതൃത്വം നൽകി. മഴക്കാല രോഗങ്ങൾ തടയുന്നതിനും പരിസര ശുചിത്വം ഉറപ്പാക്കുന്നതിനുമായി വിവിധ ഭാഗങ്ങളിൽ ശുചീകരണ പ്രവർത്തനങ്ങൾ നടന്നു.

തൊഴിയൂർ ഉണ്ണികണ്ടത്ത് പരീകുട്ടി & ഫലീല പരീകുട്ടി ദമ്പതികളുടെ പ്രിയപുത്രൻ സിയാദ് പുതുപൊന്നാനി നാലംകല്ല് അലിയമാക്കനകത്ത് ഹൗസിൽ ഹംസ & ഹഫ്‌സ ഹംസ ദമ്പതികളുടെ പ്രിയപുത്രി ഹർഷാന ഇന്ന് (മേയ് 23, 2026 ശനിയാഴ്ച) വിവാഹിതരാകുന്നു. 💐

തൊഴിയൂർ: സുനേന നഗറിൽ നിന്നും താഴിശ്ശേരി റോഡിൽ, ചുള്ളി റോഡിന് സമീപം നടക്കുന്ന കൾവർട്ട് നിർമ്മാണ പ്രവർത്തനങ്ങൾ തുടരുന്നതിനിടെ പ്രദേശത്തെ ഗതാഗതം ഭാഗികമായി പുനഃസ്ഥാപിച്ചതായി വാർഡ് കൗൺസിലർ അറിയിച്ചു. നിലവിൽ കാറുകൾക്കും ചെറിയ വാഹനങ്ങൾക്കും റോഡിലൂടെ കടന്നുപോകാനാകുന്ന സാഹചര്യമാണുള്ളത്.

SSLC / CBSE 10-ാം ക്ലാസ് പാസായ വിദ്യാർത്ഥികൾക്കും രക്ഷിതാക്കൾക്കും പ്ലസ് വൺ അപേക്ഷ സമർപ്പണവുമായി ബന്ധപ്പെട്ട മാർഗനിർദേശങ്ങൾ നൽകുന്നതിനായി വാർഡ് 39 കപ്പിയൂർ Help Desk സംഘടിപ്പിക്കുന്നു. 2026 മെയ് 24 ഞായറാഴ്ച രാവിലെ 10 മണിക്ക് കപ്പിയൂർ സ്കൂളിൽ വെച്ചാണ് ഹെൽപ് ഡെസ്ക് നടക്കുന്നത്. പ്ലസ് വൺ അപേക്ഷ നൽകുമ്പോൾ കൈവശം വേേണ്ട രേഖകൾ, ശ്രദ്ധിക്കേണ്ട കാര്യങ്ങൾ, സീറ്റ് ഉറപ്പാക്കുന്നതിനുള്ള നടപടികൾ എന്നിവയെ കുറിച്ച് വിശദമായ സഹായവും നിർദേശങ്ങളും നൽകും. വിദ്യാർത്ഥികളും രക്ഷിതാക്കളും ഈ അവസരം...

2025-2026 അധ്യയന വർഷത്തിലെ എസ്.എസ്.എൽ.സി പരീക്ഷയിൽ 100% വിജയം കൈവരിച്ച തൊഴിയൂരിലെ St. George Higher Secondary School, Rahmath Higher Secondary School എന്നീ സ്കൂളുകളിലെ അധ്യാപകരെയും വിദ്യാർത്ഥികളെയും അഭിനന്ദിച്ച് ആദരിക്കൽ ചടങ്ങ് സംഘടിപ്പിച്ചു. ഗുരുവായൂർ നഗരസഭ വാർഡ് ഒന്നിലെ കൗൺസിലർ ഷബാന ഷമീർ തൊഴിയൂരിലെ രണ്ട് സ്കൂളുകളിലെയും അധ്യാപകർക്ക് ഉപഹാരങ്ങൾ നൽകി ആദരിച്ചു. ചടങ്ങിൽ മുൻ കൗൺസിലർ Shahina M. A., Sunitha Soman എന്നിവർ സന്നിഹിതരായിരുന്നു. വിദ്യാർത്ഥികളുടെ മികച്ച വിജയം വിദ്യാഭ്യാസ

തൊഴിയൂർ ചുള്ളിയിൽ അമ്പലത്തിന് സമീപത്തെ വീട്ടിൽ നിന്നും മൂർഖൻ പാമ്പിനെ പിടികൂടി. വീട്ടിലെ കോഴിക്കൂട്ടിൽ കയറിയ പാമ്പിനെ സിവിൽ ഡിഫെൻസ് സേനാംഗം പ്രബീഷ് സുരക്ഷിതമായി പിടികൂടുകയായിരുന്നു. കോഴിക്കൂട്ടിൽ ഉണ്ടായിരുന്ന ഏകദേശം അഞ്ച് കോഴികളെ പാമ്പ് കൊന്നതായാണ് വിവരം. തുടർന്ന് വീട്ടുകാർ അറിയിച്ചതിനെത്തുടർന്ന് സ്ഥലത്തെത്തിയ പ്രബീഷ് പാമ്പിനെ പിടികൂടി വനപാലകർക്ക് കൈമാറും.

നാളെ (15/05/2026) മുതൽ തൊഴിയൂർ സുനേന നഗറിൽ നിന്നും മണ്ണാങ്കുളം റോഡിൽ (PKB റോഡിന് സമീപം) കൾവർട്ട് നിർമ്മാണ പ്രവർത്തനങ്ങൾ ആരംഭിക്കുന്നതാണ്. പ്രവർത്തനങ്ങളുമായി ബന്ധപ്പെട്ട് ഈ ഭാഗത്ത് റോഡ് താൽക്കാലികമായി അടച്ചിടുന്നതായിരിക്കും. അതിനാൽ ഈ റൂട്ടിലൂടെ യാത്ര ചെയ്യുന്നവർ കഴിയുന്നതും മറ്റ് വഴികൾ ഉപയോഗിക്കണമെന്ന് അഭ്യർത്ഥിക്കുന്നു. പൊതുജനങ്ങൾ എല്ലാവരും സഹകരിക്കണമെന്ന് വാർഡ് കൗൺസിലർ അറിയിച്ചു.

ഇന്ന് പുലർച്ചെ 12:25 ഓടെ തൊഴിയൂർ സുനേന നഗറിൽ രണ്ട് ബൈക്കുകൾ കൂട്ടിയിടിച്ച് അപകടമുണ്ടായി. അപകടത്തിൽ പിള്ളക്കാട് നാലകത്ത് റഫീഖിന്റെ മകൻ റിഹാൻ (17), താഴിശ്ശേരി ഇടവന വീട്ടിൽ ജയപ്രകാശന്റെ മകൻ ഗോപികൃഷ്ണൻ (22) എന്നിവർക്ക് പരിക്കേറ്റു. പരിക്കേറ്റവരെ തൊഴിയൂർ ലൈഫ് കെയർ പ്രവർത്തകർ ആദ്യം കുന്നംകുളം ദയ റോയൽ ആശുപത്രിയിൽ പ്രവേശിപ്പിക്കുകയും പിന്നീട് റിഹാനെ ഗുരുതര പരിക്കിനെ തുടർന്ന് തൃശൂർ ദയ ആശുപത്രിയിലേക്ക് മാറ്റുകയും ചെയ്തു.

തൊഴിയൂർ.കോം സുനേന നഗറിൽ നടപ്പിലാക്കുന്ന സിസിടിവി ക്യാമറ പദ്ധതിയുടെ ആദ്യ ഘട്ട പ്രവർത്തനങ്ങൾ പൂർത്തിയായി. തൊഴിയൂരിന്റെ സുരക്ഷ കൂടുതൽ ശക്തിപ്പെടുത്തുക എന്ന ലക്ഷ്യത്തോടെ പ്രധാന റോഡുകളും പരിസര പ്രദേശങ്ങളും നിരീക്ഷിക്കുന്ന രീതിയിലാണ് ക്യാമറകൾ സ്ഥാപിച്ചിരിക്കുന്നത്. സാമൂഹിക സുരക്ഷ ഉറപ്പാക്കുന്നതിനും അപകടങ്ങൾ, മോഷണങ്ങൾ ഉൾപ്പെടെയുള്ള അനാവശ്യ സംഭവങ്ങൾ നിയന്ത്രിക്കുന്നതിനും പദ്ധതി സഹായകരമാകുമെന്ന് നാട്ടുകാർ അഭിപ്രായപ്പെട്ടു. കൂടുതൽ സ്ഥലങ്ങളിലേക്ക് വ്യാപിപ്പിക്കുന്ന തുടർ പ്രവർത്തനങ്ങളു

തൊഴിയൂർ മാളിയേക്കൽ പടിയിൽ നിന്നും കച്ചേരിപ്പടി ഭാഗത്തേക്ക് പോകുന്ന റോഡിൽ പഴയ എം.സി മൂവിസിന് സമീപം ലോറി റോഡിൽ താഴ്ന്ന് കുടുങ്ങിയതിനാൽ ഗതാഗതം പൂർണ്ണമായും തടസപ്പെട്ടിരിക്കുകയാണ്. ഇതുവഴിയുള്ള യാത്ര ഇപ്പോൾ സാധ്യമല്ലാത്തതിനാൽ വാഹനയാത്രികർ നിർബന്ധമായും മറ്റ് വഴികൾ ഉപയോഗിക്കണമെന്ന് അഭ്യർത്ഥിക്കുന്നു.

സുനേന നഗർ: ശക്തമായ മഴയെ തുടർന്ന് സുനേന നഗറിൽ അപകടാവസ്ഥ സൃഷ്ടിക്കുന്ന രീതിയിൽ വലിയ കുഴി രൂപപ്പെട്ടിരുന്നു. നാട്ടുകാർ കൗൺസിലറുടെ ശ്രദ്ധയിൽപ്പെടുത്തിയതിനെ തുടർന്ന് ഇന്ന് രാവിലെ തന്നെ അധികൃതർ സ്ഥലത്തെത്തി കുഴി മൂടി പ്രശ്നം പരിഹരിച്ചു. അപകടസാധ്യത ഒഴിവാക്കുന്നതിനായി സമയബന്ധിതമായി നടപടി സ്വീകരിച്ചതിൽ പ്രദേശവാസികൾ ബന്ധപ്പെട്ട അധികൃതർക്ക് നന്ദി അറിയിച്ചു.

തൊഴിയൂർ തലയങ്ങാട്ടിരി സ്വദേശിനിയായ തങ്കമണി (74) തലകറങ്ങി കിണറ്റിൽ വീണ സംഭവത്തിൽ, നാട്ടുകാരുടെയും തൊഴിയൂർ ലൈഫ് കെയർ പ്രവർത്തകരുടെയും സമയോചിത ഇടപെടലിലൂടെ രക്ഷപ്പെടുത്തി. തുടർന്ന് ചാവക്കാട് താലൂക്ക് ആശുപത്രിയിൽ പ്രവേശിപ്പിച്ചു. സംഭവം അറിഞ്ഞെത്തിയ രക്ഷാപ്രവർത്തകർ ഉടൻ തന്നെ വയോധികയെ പുറത്തെടുത്ത് ആശുപത്രിയിലെത്തിക്കുകയായിരുന്നു.

തൊഴിയൂർ: നാളെ (07/05/2026) മുതൽ സുനേന നഗറിൽ നിന്നും താഴിശ്ശേരി റോഡിൽ, ചുള്ളി റോഡിന് സമീപം കൾവർട്ട് നിർമ്മാണ പ്രവർത്തനങ്ങൾ ആരംഭിക്കുന്നതായി അധികൃതർ അറിയിച്ചു. പ്രവർത്തനങ്ങളുടെ ഭാഗമായി പ്രദേശത്ത് ഗതാഗത നിയന്ത്രണങ്ങളും ചെറിയ ബുദ്ധിമുട്ടുകളും ഉണ്ടായേക്കാമെന്നതിനാൽ നാട്ടുകാരും യാത്രക്കാരും സഹകരിക്കണമെന്ന് അഭ്യർത്ഥിച്ചിട്ടുണ്ട്.

Ormakalude Kuttikkalam

തൊഴിയൂർ ഖത്തറിൽ പ്രവാസജീവിതം നയിക്കുന്ന ഒരു സുഹൃത്തിന്റെ ആഗ്രഹപ്രകാരം, പൊതുജനങ്ങൾക്ക് വെള്ളം കുടിക്കാൻ സൗകര്യമൊരുക്കുന്നതിനായി പാലേമാവ് പള്ളിയുടെ പരിസരത്ത് വാട്ടർ കൂളർ സ്ഥാപിച്ചു. കൂളറിന്റെ സ്ഥാപനം ഉൾപ്പെടെയുള്ള എല്ലാ പ്രവർത്തനങ്ങളും ഇതിനകം പൂർത്തിയായിട്ടുണ്ട്. ഇന്ന് 01 മെയ്‌ 2026 ജുമുഅ നമസ്കാരത്തിന് ശേഷം മഹല്ല് നിവാസികൾക്ക് ഈ സൗകര്യം ഉപയോഗിക്കാൻ കഴിയുന്നതാണ്. ഈ സേവനപ്രവർത്തനം നാട്ടുകാർക്ക് ഏറെ ഉപകാരപ്രദമാകുമെന്ന് പ്രതീക്ഷിക്കുന്നു.

തൊഴിയൂർ സലഫി മസ്ജിദിന് പടിഞ്ഞാറ് വശം താമസിക്കുന്ന മത്രംകോട് മുഹമ്മദ് കുട്ടി (മഞ്ഞാക്ക) അന്തരിച്ചു. ഖബറടക്കം ഇന്ന് 01 മെയ്‌ 2026 വെള്ളിയാഴ്ച ജുമുഅക്ക് മുമ്പായി 11 മണിക്ക് പാലേമാവ് പള്ളി ഖബറിസ്ഥാനിൽ നടത്തപ്പെടുന്നതാണ്.

തൊഴിയൂർ: 2026 ഏപ്രിൽ മാസത്തെ റേഷൻ വിതരണം മെയ്‌ 5, 2026 വരെ നീട്ടിയതായി ബന്ധപ്പെട്ട അധികാരികൾ അറിയിച്ചു. റേഷൻ കാർഡുടമകൾ ഈ അവസരം ഉപയോഗപ്പെടുത്തി നിർദ്ദിഷ്ട സമയത്തിനുള്ളിൽ റേഷൻ സാധനങ്ങൾ കൈപ്പറ്റണമെന്ന് അറിയിപ്പിൽ പറയുന്നു. കൂടുതൽ വിവരങ്ങൾക്ക് സമീപത്തെ റേഷൻ കടയുമായി ബന്ധപ്പെടുക.

തൊഴിയൂർ: കച്ചേരിപ്പടി തെക്കുഭാഗം ചെറ്റിയാട്ടിൽപറമ്പിൽ ചന്ദ്രന്റെ മകൻ നിഖിൽ മരണപ്പെട്ടു. സംസ്കാരവുമായി ബന്ധപ്പെട്ട കൂടുതൽ വിവരങ്ങൾ പിന്നീട് അറിയിക്കുന്നതാണ്. ആദരാഞ്ജലികൾ

തൊഴിയൂർ മണ്ണംകുളം റോഡിലെ ഒരു വീട്ടിൽ നിന്നാണ് അഞ്ച് മരപ്പട്ടികളെ പിടികൂടിയത്. വീടിന്റെ സീലിംഗിന് മുകളിൽ താമസിച്ചിരുന്ന മരപ്പട്ടികളെ കണ്ട വീട്ടുകാർ വിവരമറിയിച്ചതിനെ തുടർന്ന് പ്രബീഷ് ഗുരുവായൂർ സ്ഥലത്തെത്തി പിടികൂടുകയായിരുന്നു. മേൽക്കൂരയും പരിസരവും ശുചിയായി സൂക്ഷിക്കണമെന്നും, ഇത്തരം ജീവികളുടെ സാന്നിധ്യം ശ്രദ്ധയിൽപ്പെട്ടാൽ ഉടൻ ബന്ധപ്പെട്ട അധികാരികളെ അറിയിക്കണമെന്നും അറിയിച്ചു. https://www.instagram.com/reel/DXsHbizE3B5/?igsh=MXdseTc3MW1iZjM1cA==

തൊഴിയൂർ പരേതനായ വാഴപ്പിള്ളി ചുമ്മാർ (റിട്ട: Indian Air Force)യുടെ ഭാര്യയും, തിരുവളയന്നൂർ HSS-ൽ സേവനമനുഷ്ഠിച്ചിരുന്ന വിരമിച്ച അധ്യാപികയുമായ ഏല്ല്യ ടീച്ചർ (90) അന്തരിച്ചു. വിദ്യാഭ്യാസ രംഗത്തും സാമൂഹിക ജീവിതത്തിലും സജീവ സാന്നിധ്യമായിരുന്ന ഏല്ല്യ ടീച്ചറുടെ വേർപാട് നാട്ടുകാരെ ദുഃഖത്തിലാഴ്ത്തി. മൃതസംസ്കാരം 29-04-2026 രാവിലെ 9:30 ന് St. Syriac Church Vailathurയിൽ വെച്ച് നടത്തപ്പെടുന്നതാണ്. കുടുംബാംഗങ്ങൾ ലില്ലി ജോസഫ് ജോസഫ് (വാഴപ്പിള്ളി ഫൈനാൻസ്, വട്ടം പാടം) ആനി ഡേവിഡ് (റിട്ട. അധ്യാപി

വൈലത്തൂർ പരേതനായ കൊമ്പത്ത് ആലി അഹമ്മദ് മകൻ മണ്ണൂരയിൽ അബ്ദുൽ കാദർഹാജി ( അബലായിൽ) എന്നവർ മരണപ്പെട്ടു. വളരെ ചെറുപ്രായത്തിൽ തന്നെ വൈലത്തൂരിലെ മത, സാമൂഹിക ജീവകാരുണ്യ പ്രവർത്തനരംഗത്തെല്ലാം നിറഞ്ഞു നിൽക്കുകയും ഗൾഫിൽ പ്രവാസജീവിതം നയിക്കുകയും ശേഷം നാട്ടിൽ കച്ചവടം നയിച്ചിരുന്നു. ഒരുപാട് സുഹൃദ്ബന്ധങ്ങളുള്ള അദ്ദേഹം കുവൈറ്റ്‌ കെഎംസിസി, വടക്കേകാട് ഗ്ലോബൽ കെഎംസിസി നേതാവ് അബ്ദുൽ റഹ്മാൻ അമ്പലായിൽ ( അല്ലാമു )ന്റെ ജേഷ്ഠസഹോദരനാണ്.

തൊഴിയൂർ മാളിയേക്കൽ പടിക്ക് പടിഞ്ഞാറ് ഭാഗത്ത് താമസിക്കുന്ന കല്ലം വീട്ടിൽ അബ്ദു ഹാജിയുടെ മകൻ പൊന്നഞ്ചാത്തയിൽ മുഹമ്മദാലി ഹാജിയുടെ ഭാര്യ കുബറ മരണപ്പെട്ട വിവരം വ്യസനസമേതം അറിയിക്കുന്നു. കബറടക്കം: നാളെ, 26 ഞായറാഴ്ച രാവിലെ 9 മണിക്ക് പലേമാവ് ജുമാ മസ്ജിദ് കബർസ്ഥാനിൽ നടത്തപ്പെടുന്നതാണ്.

പെരുമ്പിലാവിന്റെ പുതിയ ലാൻഡ്മാർക്കായി ഫാൽക്കൺ മാൾ പ്രവർത്തനം തുടങ്ങി. ഷോപ്പിംഗ്, ഫുഡ് കോർട്ട്, എന്റർടെയിൻമെന്റ്, കിഡ്സ് പ്ലേ ഏരിയ തുടങ്ങിയ സൗകര്യങ്ങളോടെ ഒരൊറ്റ കേന്ദ്രത്തിൽ കുടുംബങ്ങൾക്ക് സമയം ചെലവഴിക്കാവുന്ന പുതിയ ഇടമായാണ് മാൾ ഒരുക്കിയിരിക്കുന്നത്. പെരുമ്പിലാവ് ടൗണിൽ NH 17 സമീപത്തായി സ്ഥിതി ചെയ്യുന്ന ഫാൽക്കൺ മാളിൽ 20-ൽ അധികം ബ്രാൻഡുകൾ, ഹൈപ്പർമാർക്കറ്റ്, ഫുഡ് ഔട്ട്‌ലെറ്റുകൾ, മൾട്ടിപ്ലക്സ് സിനിമാ സൗകര്യം എന്നിവയും ഉൾപ്പെടുന്നു. മാളിന്റെ പ്രവർത്തനം പെരുമ്പിലാവിനും സമീപ പ്രദേശങ്

തൊഴിയൂർ: ഗുരുവായൂർ നഗരസഭ വാർഡ് ഒന്നിലെ വയോജന പാർക്കിന് സമീപമുള്ള തോട്ടിൽ മീൻപിടിക്കാൻ ഇറങ്ങിയ എട്ട് പേർക്ക് എലിപ്പനി സ്ഥിരീകരിച്ചതായി ആരോഗ്യവകുപ്പ് അറിയിച്ചു. ഇവർ വടക്കേക്കാട് പഞ്ചായത്തിൽ നിന്നുള്ളവരാണ്. രണ്ട് ദിവസം മുമ്പാണ് ഇവർ തോട്ടിൽ മീൻപിടിക്കാൻ ഇറങ്ങിയത്. തുടർന്ന് രോഗലക്ഷണങ്ങൾ പ്രകടമായതിനെ തുടർന്ന് പരിശോധന നടത്തിയപ്പോൾ എലിപ്പനി സ്ഥിരീകരിക്കുകയായിരുന്നു. ഈ സാഹചര്യത്തിൽ, അടുത്തൊരു അറിയിപ്പ് ഉണ്ടാകുന്നതുവരെ പ്രസ്തുത ജലാശയത്തിൽ ആരും ഇറങ്ങരുതെന്ന് ആരോഗ്യവകുപ്പ് കർശനമായി നിർദേ

തൊഴിയൂർ സ്വദേശിയും നമ്മുടെ പ്രിയ സുഹൃത്തുമായ നൗഫൽ തൊഴിയൂർ രചിച്ച “വള്ളിക്കെട്ടുകൾ” എന്ന കവിതാ സമാഹാരത്തിന്റെ പ്രകാശനം 2026 ഏപ്രിൽ 30-ന് വൈകിട്ട് 4 മണിക്ക് നടക്കും. മുനിസിപ്പൽ ലൈബ്രറി ഹാളിൽ നടക്കുന്ന ചടങ്ങിൽ സാമൂഹ്യ-സാംസ്കാരിക രംഗത്തെ പ്രമുഖർ പങ്കെടുക്കും. ജീവിതാനുഭവങ്ങളും ചിന്തകളും കവിതകളിലൂടെ അവതരിപ്പിക്കുന്ന ഈ കൃതി വായനക്കാർക്ക് വേറിട്ടൊരു അനുഭവം സമ്മാനിക്കുമെന്നാണ് പ്രതീക്ഷ. 📍 വേദി: മുനിസിപ്പൽ ലൈബ്രറി ഹാൾ, കിഴക്കേ നട , ഗുരുവായൂർ 🕓 സമയം: വൈകിട്ട് 4 മണി

പൂക്കോട് കൃഷിഭവന്റെ നേതൃത്വത്തിൽ പ്രവർത്തിക്കുന്ന സമൃദ്ധി ഇക്കോ ഷോപ്പ് പദ്ധതിയുടെ ഭാഗമായി, കർഷകർ ഉൽപാദിപ്പിക്കുന്ന പച്ചക്കറി, ഫലവർഗ്ഗങ്ങൾ, മൂല്യവർദ്ധിത ഉൽപ്പന്നങ്ങൾ എന്നിവയുടെ വിപണനം പ്രോത്സാഹിപ്പിക്കുന്നതിനായി “പൂക്കോട് വഴിയോര വിപണി” സംഘടിപ്പിക്കുന്നു. 📅 തീയതി: 21-04-2026 (ചൊവ്വ) ⏰ സമയം: രാവിലെ 9 മണി മുതൽ ഉച്ചക്ക് 2 മണി വരെ 📍 സ്ഥലം: തമ്പുരാൻപടി സൊസൈറ്റിക്ക് സമീപം വിപണിയിൽ വിവിധ തരം പച്ചക്കറികളും മറ്റ് ഉത്പന്നങ്ങളും ലഭ്യമാകും. ചേന, വഴുതന, മുളക്, പയർ, വെണ്ട, കുമ്പളം, വെള്ളരി

തൊഴിയൂർ. ബിഗ് ബസാർ സെക്ഷൻ പരിധിയിലെ ചില പ്രദേശങ്ങളിൽ 21-04-2026 രാവിലെ 11:00 മുതൽ ഉച്ചക്ക് 05:00 വരെ വൈദ്യുതി മുടങ്ങുന്നതായിരിക്കും. വൈദ്യുതി മുടങ്ങുന്ന പ്രദേശങ്ങൾ: മുഖമൂടിമുക്ക് ന്യൂ വേൾഡ് മാളിയേക്കൽ പടി സുനേന നഗർ പാലേമാവ് പള്ളി PKB കളരി ICA കോളേജ് ചിറക്കൽ ടെമ്പിൾ കപ്പിയൂർ കോട്ടേഴ്സ് അറ്റകുറ്റപ്പണികൾ നടത്തുന്നതിനാലാണ് ഈ സമയത്ത് വൈദ്യുതി വിതരണം നിർത്തിവെക്കുന്നത്. ജോലി പൂർത്തിയായാൽ മറ്റ് മുന്നറിയിപ്പുകൾ കൂടാതെ ലൈൻ വീണ്ടും ചാർജ് ചെയ്യുന്നതായിരിക്കും എന്ന് അധികൃതർ അറിയിച്ചു.

തൊഴിയൂരിലെ സുനേ നഗർ മന്നാംകുളം റോഡിൽ ഗ്യാസ് പൈപ്പ് വർക് നടക്കുന്നതിനിടയിൽ വാട്ടർ പൈപ്പ് പൊട്ടിയതിനെ തുടർന്ന് സമീപ പ്രദേശങ്ങളിലെ പൈപ്പ് വെള്ള വിതരണം തടസ്സപ്പെട്ടു. തുടർന്ന് വാർഡ് കൗൺസിലർ ഷബാന ഷമീർ ഇടപെട്ട് പ്രശ്നത്തിന് പരിഹാരം കണ്ടതായി അറിയിച്ചു. എത്രയും വേഗത്തിൽ വെള്ളവിതരണം പുനഃസ്ഥാപിക്കുമെന്നും ബന്ധപ്പെട്ടവർ അറിയിച്ചിട്ടുണ്ട്.

തൊഴിയൂർ ഒന്നാം വാർഡിൽ ഹരിത കർമ്മസേനയുടെ നേതൃത്വത്തിൽ മാലിന്യ ശേഖരണം 19 ശനി 20 ഞായർ ദിവസങ്ങളിൽ നടത്തുന്നതാണ്. പ്ലാസ്റ്റിക്, മാലിന്യത്തിനൊപ്പം ലോഹങ്ങൾ, തെർമോകോൾ, ചിരട്ട തുടങ്ങിയ വസ്തുക്കളും ശേഖരിക്കും. വാർഡിലെ എല്ലാ വീട്ടുകാർക്കും സ്ഥാപനങ്ങൾക്കും മാലിന്യങ്ങൾ തരംതിരിച്ച് തയ്യാറാക്കി നൽകണമെന്ന് ബന്ധപ്പെട്ടവർ അഭ്യർത്ഥിച്ചു.

തൊഴിയൂർ സുനേന നഗറിന് പടിഞ്ഞാറ് ഭാഗം പി.കെ.ബി കളരി റോഡിൽ താമസിക്കുന്ന പൊക്കുളങ്ങര അബൂബക്കർ നിര്യാതനായി. ഫൈസൽ, സാദിഖ് എന്നിവരുടെ പിതാവും, തയ്യിലയിൽ മുഹമ്മദ് കുട്ടി, മമ്മു ഹാജി എന്നിവരുടെ അളിയനുമാണ്. കബറടക്കം ഇന്ന് വൈകിട്ട് 5 മണിക്ക് പാലേമാവ് പള്ളി കബർസ്ഥാനിൽ നടക്കുന്നതാണ്.

കാലം മാറി… ലോകം മാറി… പക്ഷേ, നമ്മളെ തമ്മിൽ ബന്ധിപ്പികുന്ന ഈ ഗ്രൂപ്പ് ഇന്നും അതേ സ്നേഹത്തോടെ തുടരുന്നു… ചെറിയൊരു തുടക്കത്തിൽ നിന്ന് ഇന്ന്, നമ്മുടെ നാട്ടുവർത്തമാനങ്ങളും വിശേഷങ്ങളും, സന്തോഷങ്ങളും പങ്കുവെക്കുന്ന ഒരു വിലപ്പെട്ട ഇടമായി മാറിയിരിക്കുന്നു ഇത് വെറും ഒരു WhatsApp ഗ്രൂപ്പല്ല… നമ്മുടെ നാടിനെ ചേർത്ത് നിർത്തുന്ന ഒരു ബന്ധം ആണ് ഇത്രയും വർഷം ഈ യാത്രയിൽ ഒപ്പമുണ്ടായിരുന്ന ഓരോരുത്തർക്കും ഹൃദയം നിറഞ്ഞ നന്ദി 🙏

തൊഴിയൂർ ഐ.സി.എ കോളേജിന് സമീപം ബൈക്ക് നിയന്ത്രണം വിട്ട് ഉണ്ടായ അപകടത്തിൽ വടക്കേക്കാട് എടക്കര റോഡിലെ ചന്തനത്ത് ബഷീറിന്റെ മകൻ ദിൽഷാദ് ആണ് മരിച്ചത്. അപകടത്തെ തുടർന്ന് ഗുരുതരമായി പരിക്കേറ്റ ദിൽഷാദിനെ തൊഴിയൂർ ലൈഫ് കെയർ പ്രവർത്തകർ റോയൽ ദയ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല.

സമൃദ്ധിയും സന്തോഷവും നിറഞ്ഞൊരു പുതുവത്സരത്തിന്റെ തുടക്കമാണ് വിഷു. ഈ വിഷു ദിനം ഓരോരുത്തരുടെ ജീവിതത്തിലും പുതിയ പ്രതീക്ഷകളും നേട്ടങ്ങളും നിറഞ്ഞിരിക്കട്ടെ. കണിക്കാഴ്ചയുടെ പ്രകാശം പോലെ നമ്മുടെ ജീവിതങ്ങളിലും വിജയത്തിന്റെ വെളിച്ചം നിറയട്ടെ. നമ്മുടെ പ്രിയപ്പെട്ട തൊഴിയൂരിലെ എല്ലാ നാട്ടുകാർക്കും, ലോകത്തിന്റെ വിവിധ ഭാഗങ്ങളിലായി കഴിയുന്ന എല്ലാ പ്രവാസികൾക്കും Thozhiyoor.com-ന്റെ ഹൃദയം നിറഞ്ഞ വിഷു ആശംസകൾ. 💛 👉 “നമ്മുടെ തൊഴിയൂർ… ഇനി വിരൽത്തുമ്പിൽ” നാട്ടിലെ വാർത്തകളും വിശേഷങ്ങളും നിങ്ങളുടെ

തൊഴിയൂർ ഇടവകാംഗമായ വടക്കൻ മാത്തപ്പന്റെ മകൻ ജോൺസൺ (65) നിര്യാതനായി. ഇപ്പോൾ ഭൗതിക ശരീരം അടുപ്പുട്ടി മലങ്കര ആശുപത്രിയുടെ മുൻവശത്തുള്ള സ്വവസതിയിൽ പൊതുദർശനത്തിന് വെച്ചിരിക്കുന്നു. ശവസംസ്കാര ശുശ്രൂഷയുടെ സമയം പിന്നീട് അറിയിക്കുമെന്ന് ബന്ധപ്പെട്ടവർ അറിയിച്ചു. പ്രിയ സഹോദരന്റെ നിര്യാണത്തിൽ തൊഴിയൂർ സെന്റ് ജോർജ്ജ് ഭദ്രാസന ഇടവകയുടെ ആദരാഞ്ജലികളും അനുശോചനവും രേഖപ്പെടുത്തി.

ഇന്ന്, ഇന്ത്യൻ ഭരണഘടനയുടെ ശിൽപിയും സാമൂഹ്യനീതിയുടെ ശബ്ദവുമായ B. R. Ambedkar ന്റെ ജന്മദിനമാണ്. “വിദ്യാഭ്യാസം നേടുക, സംഘടിതരാകുക, പ്രക്ഷോഭിക്കുക” എന്ന സന്ദേശത്തിലൂടെ ഒരു സമൂഹത്തെ തന്നെ ഉണർത്തിയ മഹാനായ നേതാവാണ് അംബേദ്കർ. അവകാശങ്ങൾക്കായി പോരാടാനും, സമത്വത്തിനായി നിലകൊള്ളാനും അദ്ദേഹം നമ്മെ പഠിപ്പിച്ചു. ജാതിയും അനീതിയും വിവേചനവും ഇല്ലാത്ത ഒരു സമൂഹം എന്ന സ്വപ്നം കണ്ട അദ്ദേഹത്തിന്റെ ചിന്തകൾ ഇന്നും ഓരോരുത്തർക്കും വഴികാട്ടിയാണ്. അറിവും ധൈര്യവും മനുഷ്യസ്നേഹവും ഒരുമിച്ചാൽ സമൂഹം മാറ്റാം എ

വെലത്തൂർ: ചരിത്രപ്രസിദ്ധമായ വെലത്തൂർ വിശുദ്ധ കുര്യാക്കോസ് സഹദായുടെ കത്തോലിക്കാ ദേവാലയത്തിൽ 144-ാമത് സംയുക്ത തിരുനാൾ ഭക്തിനിർഭരമായ ചടങ്ങുകളോടെ ആഘോഷിക്കുന്നു. ഏപ്രിൽ 12, 13, 14 തീയതികളിലായാണ് പ്രധാന തിരുനാൾ ആഘോഷങ്ങൾ നടക്കുന്നത്. തിരുനാളിനോടനുബന്ധിച്ച് വിവിധ ആരാധനാ കർമ്മങ്ങളും ആഘോഷപരിപാടികളും സംഘടിപ്പിച്ചിട്ടുണ്ടെന്ന് ബന്ധപ്പെട്ടവർ അറിയിച്ചു.

തൊഴിയൂർ നമ്പീശൻപടി പ്രദേശത്ത് പ്രവർത്തിക്കുന്ന നയാര പെട്രോൾ പമ്പിന്റെ പ്രവർത്തന സമയത്തിൽ താൽക്കാലിക മാറ്റം വരുത്തിയതായി അധികൃതർ അറിയിച്ചു. പുതിയ സമയക്രമപ്രകാരം, രാവിലെ 6 മണി മുതൽ രാത്രി 10 മണിവരെ മാത്രമേ പമ്പ് പ്രവർത്തിക്കൂ. അടുത്ത അറിയിപ്പ് വരുന്നത് വരെ രാത്രി സേവനം ഉണ്ടായിരിക്കില്ലെന്നും അറിയിച്ചിട്ടുണ്ട്. കൂടാതെ, നിലവിൽ കാർഡ് അല്ലെങ്കിൽ UPI പേയ്മെന്റുകൾ സ്വീകരിക്കുന്നതല്ല. ക്യാഷ് വഴിയുള്ള ഇടപാടുകൾ മാത്രമാണ് അനുവദിച്ചിരിക്കുന്നത്. യുദ്ധ സാഹചര്യങ്ങൾ കമ്പനിയുടെ പ്രവർത്തനത്തെ

തൊഴിയൂർ ഒതുകത്തയിൽ C.O. അസീസ് & സബിറ അസീസ് ദമ്പതികളുടെ പ്രിയപുത്രൻ മുഹമ്മദ് ഷരീഫ് പാലക്കാട് പിറയിരി, മണ്ണാംബ്രക്കോട് ഇബ്രാഹിം P.S. & നസീമ ഇബ്രാഹിം ദമ്പതികളുടെ പ്രിയപുത്രി മാജിത ഫർസാന ഇന്ന് (ഏപ്രിൽ 12, 2026) വിവാഹിതരാകുന്നു.

തൊഴിയൂർ പാലേമാവ് പള്ളിക്ക് സമീപമുള്ള ഒരു വീടിന്റെ പരിസരത്തുനിന്നും പാമ്പിനെ പിടികൂടി. വിവരം ലഭിച്ചതിനെ തുടർന്ന് സ്ഥലത്തെത്തിയ സിവിൽ ഡിഫെൻസ് സേനാംഗം പ്രബീഷ് ആണ് പാമ്പിനെ സുരക്ഷിതമായി പിടികൂടിയത്. പ്രദേശത്ത് അടുത്തിടെ നിരന്തരം പാമ്പുകൾ കാണപ്പെടുന്ന സാഹചര്യത്തിലാണ് സംഭവം. വിവരം ലഭിച്ചതിനെ തുടർന്ന് ഉടൻ എത്തിയ പ്രബീഷ് പാമ്പിനെ പിടികൂടുകയായിരുന്നു. വീടുകളിൽ നിന്ന് പുറത്തേക്ക് മാലിന്യജലം ഒഴുകുന്ന ഹോളുകൾ നെറ്റ് ഉപയോഗിച്ച് മൂടിവെക്കുന്നത് സുരക്ഷയ്ക്ക് സഹായകരമാണെന്നും അദ്ദേഹം അറിയിച്ചു

തൊഴിയൂർ പ്രദേശത്തെ ഒരു വീട്ടിന്റെ അടുക്കളയിൽ നിന്ന് മൂർക്കൻ പാമ്പിനെ പിടികൂടി. വീട്ടുകാർ വിവരമറിയിച്ചതിനെ തുടർന്ന് സ്ഥലത്തെത്തിയ സിവിൽ ഡിഫൻസ് സേനാംഗം പ്രബീഷ് ആണ് പാമ്പിനെ സുരക്ഷിതമായി പിടികൂടിയത്. പാമ്പ് വീട്ടിനുള്ളിൽ കയറിപ്പറ്റിയതോടെ വീട്ടുകാർ ആശങ്കയിലായിരുന്നു. വിവരം ലഭിച്ചതിനെ തുടർന്ന് ഉടൻ എത്തിയ പ്രബീഷ് പാമ്പിനെ പിടികൂടുകയായിരുന്നു. പാമ്പിനെ തുടർന്ന് ഫോറസ്റ്റ് വകുപ്പ് ഉദ്യോഗസ്ഥർക്ക് കൈമാറുമെന്ന് അറിയിച്ചു.

​ കോഴിക്കോട് ഫാറൂഖ് കോളേജ് മുൻ അധ്യാപകൻ പ്രൊഫസർ വി. കുഞ്ഞിമോൻ ന്യൂസിലാൻ്റിലെ മകളുടെ വസതിയിൽ വെച്ച് നിര്യാതനായി. പരേതന്റെ ഭൗതിക ശരീരം ഞായറാഴ്ച (12/4/26) രാവിലെ 6 മണി മുതൽ 7 മണി വരെ ഫാറൂഖ് കോളേജ് ഓഡിറ്റോറിയത്തിൽ പൊതു ദർശനത്തിന് വെക്കുന്നതും തുടർന്ന് കാമ്പസ് പള്ളിയിൽ വെച്ച് ജനാസ നമസ്കരിക്കുന്നതുമാണ്. ശേഷം ജന്മനാടായ വടക്കേക്കാട് കല്ലിങ്ങൽ ഉള്ള വസതിയിലേക്ക് കൊണ്ട് പോകുന്നതും, പൊതുദർശനത്തിനു ശേഷം പറയങ്ങാട് ജുമാ മസ്ജിദിൽ 11 മണിക്ക് ഖബറടക്കുന്നതുമാണ്. തൊഴിയൂർ കുറിപ്പിന്റയിൽ ഷനൂബിന്റെ

തൊഴിയൂർ സുനേന നഗർ പ്രദേശത്ത് ജലവിതരണ പൈപ്പ് പൊട്ടിയ നിലയിൽ ഉണ്ടായിരുന്നത് പരിഹരിക്കപ്പെട്ടു. ഇതോടെ പ്രദേശത്ത് ഉണ്ടായിരുന്ന വെള്ളച്ചോർച്ച പൂര്‍ണമായി നിയന്ത്രണത്തിലായി. കഴിഞ്ഞ കുറച്ച് ദിവസങ്ങളായി നാട്ടുകാരുടെയും ബന്ധപ്പെട്ടവരുടെയും നിരന്തരം ഉണ്ടായ ഇടപെടലിന്റെ ഫലമായാണ് പൈപ്പ് പൊട്ടിയ പ്രശ്നം പരിഹരിക്കപ്പെട്ടത്.

തൊഴിയൂർ പിള്ളക്കാട് കപ്പിയൂർ എന്നീ പ്രദേശത്തെ ബൂത്ത് നമ്പർ 92, 93, 94, 95 ലെ വോട്ടെടുപ്പ് തൊഴിയൂർ സെന്റ് ജോർജ് ഹൈസ്കൂളിലാണ് നടക്കുന്നത്. സമയം: രാവിലെ 7:00 മുതൽ വൈകുന്നേരം 6:00 വരെ ആയിരിക്കും വോട്ടെടുപ്പിനായി ആവശ്യമായ എല്ലാ സൗകര്യങ്ങളും ഒരുക്കിയതായും, വോട്ടർമാർ തിരിച്ചറിയൽ രേഖയുമായി എത്തി ജനാധിപത്യത്തിന്റെ അടിസ്ഥാനാവകാശമായ സ്വന്തം വോട്ട് രേഖപ്പെടുത്തണമെന്നും അധികൃതർ അറിയിച്ചു.

തൊഴിയൂർ താഴിശ്ശേരി ചുള്ളിയിലെ ഭഗവതി ക്ഷേത്രത്തിന്റെ ഉത്സവം ഏപ്രിൽ 5 ഞായറാഴ്ച നടക്കും. ഉത്സവത്തോടനുബന്ധിച്ച് വിവിധ കലാപരിപാടികളും ഒരുക്കിയിട്ടുണ്ട്. ഏപ്രിൽ 3 വെള്ളിയാഴ്ച രാത്രി 8:30ന് “സൈറൺ (SIREN)” എന്ന നാടകം അരങ്ങേറും. ഏപ്രിൽ 4 ശനിയാഴ്ച രാത്രി 8 മണിക്ക് “താരാത്രികം കലാക്ഷേത്രം” അവതരിപ്പിക്കുന്ന ഡാൻസ് പ്രോഗ്രാം നടക്കും. ഉത്സവത്തോടനുബന്ധിച്ച് നാട്ടുകാരുടെയും ഭക്തജനങ്ങളുടെയും സാന്നിധ്യത്തിൽ വിവിധ പരിപാടികൾ അരങ്ങേറുന്നതാണ്.

തൊഴിയൂർ താഴിശ്ശേരി റോഡിൽ കുരങ്ങുകളെ കണ്ടതായി വിവരം ലഭിച്ചു. പ്രദേശത്ത് സഞ്ചരിക്കുന്ന കുട്ടികളും നാട്ടുകാരും പ്രത്യേകം ജാഗ്രത പാലിക്കണമെന്ന് അഭ്യർത്ഥിക്കുന്നു. കുരങ്ങുകൾ അപ്രതീക്ഷിതമായി ആക്രമണസ്വഭാവം കാണിക്കാൻ സാധ്യതയുള്ളതിനാൽ, അനാവശ്യമായി സമീപിക്കാതെയും ഭക്ഷണ സാധനങ്ങൾ കാട്ടിക്കൊടുക്കാതെയും ഇരിക്കുക. കുട്ടികളെ ഒറ്റയ്ക്ക് പുറത്തുവിടുമ്പോൾ കൂടുതൽ ശ്രദ്ധ പുലർത്തണമെന്നും നാട്ടുകാർക്ക് മുന്നറിയിപ്പ് നൽകി.

തൊഴിയൂർ: ഇഹ് യഹുൽ ഇസ്ലാം മദ്രസ സംഘടിപ്പിച്ച “മിഹ്‌റജാനുല്‍ ബിദായ 2026” പഠനാരംഭ പരിപാടി മാർച്ച് 28 ശനിയാഴ്ച രാവിലെ മദ്റസയിൽ വെച്ച് ഭംഗിയായി നടന്നു. റമദാൻ അവധിക്ക് ശേഷം പുതുവത്സര പഠനത്തിന് തുടക്കം കുറിക്കുന്നതിനായി സംഘടിപ്പിച്ച പരിപാടിയിൽ വിദ്യാർത്ഥികളും രക്ഷിതാക്കളും അധ്യാപകരും സജീവമായി പങ്കെടുത്തു. റഫീഖ് മാസ്റ്ററുടെ അധ്യക്ഷതയിൽ നടന്ന യോഗത്തിൽ മഹല്ല് പ്രസിഡന്റ് ആലിക്കുട്ടി ഉദ്ഘാടനം നിർവഹിച്ചു. മുഖ്യപ്രഭാഷണം ഖത്തീബ് മുഹിയദ്ദീൻ ദാരിമി നടത്തി. ടി.എം. അഷ്‌റഫ്, അബ്ദുൽ സത്താർ ഹുദവി,

തൊഴിയൂർ താഴിശ്ശേരി കാളിയത്ത് അബു മാസ്റ്ററുടെ മകൻ റഫീഖ് നിര്യാതനായി. ജലീൽ കാളിയത്ത്, സലാം കാളിയത്ത് എന്നിവരുടെ സഹോദരനാണ്. കബറടക്കo നാളെ മാർച്ച്‌ 28 കാലത്ത് 9.30 ന്ന് പാലേമാവ് പള്ളി കബർസ്ഥാനിൽ നടത്തപ്പെടുന്നതാണ്.